Studentët e policisë do të kenë studime të paguara dhe shlyerje të huasë

Studentët që ndjekin shkollën e policisë në Suedi do të kenë mundësi të mos e paguajnë huan e studimeve. Qeveria ka marrë vendim që huatë e studentëve të policisë të fshihen, dhe tani është paraqitur edhe propozimi se si do të zbatohet kjo masë.

Sipas Jonatan Wahlberg, i cili është udhëheqës i hetimit dhe foli në një konferencë për shtyp, studentët duhet të kenë punuar si policë për të paktën tre vjet pas përfundimit të shkollës bazë për t’u kualifikuar për këtë përfitim.

Pas kësaj periudhe, ata duhet të punojnë edhe pesë vjet të tjera, dhe gjatë këtyre viteve do të marrin kompensim në disa faza, derisa t’u shlyhet plotësisht e gjithë hua e studimeve.

Qeveria suedeze shpjegon se ndryshimet bëhen për ta bërë profesionin e policit më tërheqës dhe për të nxitur më shumë të rinj që të zgjedhin këtë rrugë karriere.

Sipas planit, reformat do të hyjnë në fuqi më 1 janar 2027.