Këto janë kompanitë “më të dobëta” të internetit në Suedi

Pakënaqësia ndaj kompanive të internetit në Suedi po rritet gjithnjë e më shumë. Këtë e tregon studimi më i ri i nga Svenskt Kvalitetsindex (SKI), i cili tregon se kënaqësia e klientëve si për përdoruesit privatë ashtu edhe për kompanitë, ka rënë ndjeshëm krahasuar me vitin e kaluar.

Sipas raportit, klientë të kënaqur dhe mesatare të kënaqur  privatë është 65%, që është 3 pikë më pak se vitin e kaluar.

Tele2 në fund të listës

Tele2, një nga kompanitë më të mëdha të internetit në vend, me mbi 2 milionë klientë privatë, është renditur më poshtë në listë. Kompania mori vetëm 60,2 pikë në shkallën nga 0 në 100.

Sipas SKI, një rezultat mbi 75 pikë tregon marrëdhënie të fortë me klientët, ndërsa 60 ose më pak do të thotë se kompania rrezikon të humbasë klientët.

Në krye të listës renditet Ownit, që është shpallur kompania më e mirë për të dytin vit radhazi, me 74,8 pikë, nota më e lartë ndër të gjitha kompanitë e vlerësuara.

“Është shumë frymëzuese të shohim se puna jonë afatgjatë për cilësinë dhe thjeshtësinë po vlerësohet. Ne duam që çdo klient të ndiejë se ka një lidhje të shpejtë, të qëndrueshme dhe të sigurt pa probleme. Që tani kemi nota të larta në çdo kategori, tregon se po e mbajmë premtimin tonë,” tha Erik Linde, drejtor i marketingut në Ownit.

Shërbimi ndaj klientit, problemi kryesor

Ekspertët e SKI shpjegojnë se arsyeja kryesore për rënien  është cilësia e shërbimit ndaj klientit, e cila është vlerësuar më keq se më parë.

Veçanërisht, komunikimi dhe mënyra si kompanitë informojnë klientët kanë marrë vlerësime të ulëta.

“Shumë më tepër klientë kanë pasur nevojë të kontaktojnë operatorët e tyre, por vlerësimet për këto kontakte kanë rënë. Kjo tregon se ndonëse ndodhin më shumë situata që kërkojnë ndihmë, kompanitë nuk arrijnë të përmbushin pritjet e klientëve,” tha Johan Palmer, drejtor ekzekutiv i Svenskt Kvalitetsindex.

Lista e plotë e  klientëve të kënaqur për kompanitë e internetit në Suedi

Burimi: Svenskt Kvalitetsindex (SKI)