Pasi të keni montuar dragkrok (ganxho). çfarë duhet të keni parasysh para se ta vendosni atë.

Jo të gjitha makinat kanë dragkrok (ganxho) që nga fabrika. Disa e kanë si pajisje standarde, disa si opsion shtesë, dhe disa nuk mund ta kenë fare. Por në shumë raste, është e mundur ta vendosësh më vonë. Ka megjithatë disa gjëra të rëndësishme për t’u ditur përpara se të vendosësh ta bësh këtë.

Për shumë njerëz, dragkrok (ganxho) është pajisja më e rëndësishme e makinës. Ai është i domosdoshëm për ata që përdorin makinën për të transportuar sende, mbeturina kopshti, kuaj, pajisje pune ose për tërhequr rulota, rimorkio me varka apo motoçikleta.

Nëse makina juaj nuk ka dragkrok (ganxho), por ju duhet, mund ta vendosni më vonë. Për ta ditur nëse makina është e miratuar për dragkrok (ganxho), mund të hyni te faqja e Transportstyrelsen dhe tek rubrika “Mina sidor” kontrolloni te “släpvagnsuppgifter” se sa peshë lejohet të tërheqë makina. Nëse të dhënat mungojnë, kjo do të thotë që makina nuk ka leje për tërheqje.

Nëse jeni i aftë me punë dore, mund të blini një komplet dragkrok (ganxho) dhe ta montoni vetë. Nuk duhen mjete të veçanta, por nevojiten një kaçavidë dhe një komplet çelësash. Shpesh duhet bërë një prerje në pjesën mbrapa, për t’i lënë vend pjesës sferike të dragkrok (ganxho), për të cilën nevojitet një sharrë elektrike.

Gjithashtu duhet të montoni sistemin elektrik që lidh dritat e rimorkios, zakonisht ky sistem përfshihet në kompletin e dragkrok (ganxho). Nuk kërkohet që ta lidhë një elektricist me licencë, por instalimi duhet të jetë i saktë në mënyrë që dritat të punojnë dhe të mos shfaqen sinjale gabimi në panelin e makinës.

Nëse nuk doni ta bëni vetë, mund ta lini montimin te një specialist. Ka shumë kompani që merren vetëm me montimin e dragkrok (ganxho) pas prodhimit të makinës.

Sipas Daniel Ene, përgjegjës për dragkrok (ganxho) te rrjeti i serviseve dhe pjesëve të makinave Mekonomen, më i përdoruri është ai i fiksuar.

“Rreth 60% e klientëve tanë zgjedhin një dragkrok (ganxho) të fiksuar. Është edhe zgjidhja më e lirë. Ai që paloset elektrikisht është më i rralli dhe më i shtrenjti,” thotë Daniel.

Megjithatë, disa makina nuk mund të pajisen me çdo lloj dragkrok (ganxho), edhe nëse kanë leje për tërheqje.

“Një makinë mund të ketë pajisje shtesë që zënë shumë vend, për shembull një sistem me dy dalje marmitash. Kjo bën që disa lloje dragkrok (ganxho) të mos përshtaten. Por zakonisht ka gjithmonë një alternativë që mund të montohet, për shembull një dragkrok (ganxho) që kërkon më pak hapësirë,” shpjegon Daniel.

Një dragkrok (ganxho) i miratuar duhet të përmbushë standarde të caktuara cilësie, por në treg ka një zgjedhje të gjerë midis modeleve premium dhe atyre ekonomikë.

“Modelet më të shtrenjta kanë materiale më të mira dhe mbrojtje më të fortë ndaj ndryshkut. Kur dragkrok (ganxho) montohet që në fabrikë, ai është bërë posaçërisht për atë model makine. Ndërsa versionet më të lira mund të kenë çelik më të dobët dhe jetëgjatësi më të shkurtër,” thotë Daniel.

Për ata që kanë makina të vogla që nuk mund të tërheqin rimorkio, por që duan të transportojnë biçikleta, ekziston një zgjidhje tjetër: dragkrok (ganxho) special vetëm për mbajtëse biçikletash.

Edhe në këtë rast, makina duhet të jetë e testuar dhe e miratuar për atë lloj dragkrok (ganxho), edhe nëse nuk ka leje për tërheqje peshe.

“Në këto raste, sfera e dragkrok (ganxho) ka një formë të tillë që nuk lejon lidhjen e rimorkios së zakonshme. Vetëm disa mbajtëse biçikletash mund të vendosen. Por është shumë e rëndësishme të mos kalohet presioni maksimal i lejuar në sferë,”  thekson Daniel.

Fakte: Kontrollo të dhënat e makinës tënde

Në faqen e Transportstyrelsen, te “E-tjänster” dhe “Mina sidor”, mund të kontrollosh të gjitha të dhënat për makinën tënde.

Aty tregohet pesa maksimale e lejuar e rimorkios me frena, që është pesha më e madhe që mund të tërheqë makina (rimorkio + ngarkesë). Nëse këto të dhëna mungojnë, makina nuk lejohet të tërheqë rimorkio.

Që nga viti 2013, për makinat e miratuara në BE nuk është më e nevojshme një kontroll i veçantë regjistrimi pas vendosjes së dragkrok (ganxho).

Megjithatë, për modelet që janë të lëvizshëm ose që fshihen elektrikisht, kërkohet që ato të mund të hiqen ose të palosen gjatë kontrollit teknik, sepse ndikojnë në zonat e sigurisë gjatë përplasjes në pjesën e pasme të makinës.

Fakte: Si të kuptosh peshën e rimorkios

• Pesha maksimale e rimorkios: peshë maksimale e lejuar për rimorkion me ngarkesë.
• Pesha maksimale e rimorkios pa frena: peshë maksimale për një rimorkio pa frena që mund të lëvizë deri në 80 km/h. Në Suedi, rimorkiot pa frena nuk mund të kenë peshë më shumë se 750 kg (rregull që vjen nga vitet ’60).
• Pesha maksimale me leje drejtimi B: peshë maksimale që mund të tërhiqet me patentë të zakonshme B.
• Pesha maksimale me leje të zgjeruar B: peshë maksimale që mund të tërhiqet me patentë BE, por pa kaluar kufirin maksimal që lejon makina.
• Pesha maksimale për rimorkio me shufër të ngurtë: peshë maksimale për një rimorkio me bosht qendror dhe pa drejtim.

Burimi: DN