Dallime të mëdha në çmimet e parkimit pranë spitaleve në Suedi

Çmimet për parkim pranë spitaleve suedeze ndryshojnë ndjeshëm nga një qytet në tjetrin. Këtë e tregon një hulumtim i bërë nga P4 Västmanland.

Më lirë është në Halmstad, ku ora e parë e parkimit kushton vetëm pesë korona. Ndërsa më shtrenjtë është në Örebro, ku për të njëjtën kohë duhet paguar 32,50 korona.

Shefi i pasurive në rajonin Örebro län, Arto Åkerman, thotë se çmimi është vendosur duke u bazuar në kostot e parkimeve përreth.

“E di që kushton para, por përpiqemi ta vendosim çmimin sa më të drejtë që të jetë, në bazë të mundësive që kemi,” tha ai.