Magdalena Andersson: Është pozitive që ata që duan të rikthehen, ta bëjnë këtë

Kryetarja e Partisë Socialdemokrate të Suedisë, Magdalena Andersson, thotë se e sheh si diçka pozitive që ata emigrantë që duan të rikthehen në vendet e tyre të origjinës, ta bëjnë këtë. Ajo e tha këtë në një intervistë për gazetën Göteborgs-Posten.

Qeveria suedeze ka vendosur të rrisë ndihmën për rikthim nga 10 mijë në 350 mijë krona. Andersson tha se nuk është kundër kësaj ndihme,  por mendon se ka mënyra më të mira për të përdorur paratë e taksapaguesve.

Sipas saj, rikthimi është një dukuri shumë e vogël dhe nuk ndikon në mënyrë të madhe.

“Nuk janë shumë ata që rikthehen, dhe nuk do të jenë shumë as me këtë ndihmë të re”, tha Andersson për Göteborgs-Posten.