Rrezik për akull në rrugët e Västerbotten, paralajmëron SMHI.

Shërbimi suedez i motit, SMHI, ka dhënë një paralajmërim të verdhë për rrezik të akullit të papritur në rajonin e Västerbotten.

Sipas meteorologëve, gjatë mëngjesit të së hënës, bora do të shndërrohet në shi përgjatë bregdetit të rajonit. Kjo mund të bëjë që rrugët dhe trotuaret të bëhen shumë të rrëshqitshme.

Paralajmërimi do të jetë në fuqi nga ora 08:00 deri në 14:00 të së martës, dhe mund të shkaktojë probleme në qarkullimin rrugor dhe hekurudhor, sidomos në Umeå, Robertsfors dhe Vännäs.

Sipas gazetës Expressen, edhe pjesa tjetër e Suedisë pritet të ketë mot të ftohtë dhe me reshje.

“Një pjesë e shiut mund të kthehet në dëborë në disa vende, por në shumicën e zonave do të vazhdojë të bjerë shi,” tha Christopher Greenland, meteorolog në SMHI.

Këshillë për qytetarët:

Kushtoni kujdes në rrugë, ulni shpejtësinë dhe shmangni udhëtimet e panevojshme gjatë orëve të paralajmërimit.