Tre paralajmërime për borë nga SMHI: “Mund të bjerë shumë”

SMHI ka lëshuar tre paralajmërime të verdha për reshje bore në pjesën jugore të Suedisë gjatë ditës së mërkurë. Qarku Västra Götaland dhe një zonë perëndimore e liqenit Vänern do të preken nga një paralajmërim që fillon nga mëngjesi i së mërkurës. Ndërsa në Småland, paralajmërimi për reshje bore fillon nga ora 18:00 e së mërkurës. Reshjet e borës mund të shkaktojnë probleme në trafik.

Meteorologia e SMHI-së, Hilda Westberg, thotë se reshjet mund të ndryshojnë shumë nga një zonë në tjetrën.

“Ndonjëherë mund të bjerë shumë borë”, shpjegon ajo.

Kolegu i saj, Toni Fuentes, thotë për gazetën Aftonbladet se edhe zona të tjera mund të presin borë, sidomos të enjten, dhe pritet që ajo të qëndrojë deri në fundjavë.