Editoriale: Pse trajtohet SD si mishërimi i së keqes

Në faqet editoriale të së martës diskutohet atmosfera brenda bashkëpunimit të Tidö-s. Gazeta Sydsvenskan vëren se krerët e partive M dhe KD i trajtuan SD dhe L në mënyra të ndryshme gjatë fundjavës, kur këto dy parti mbajtën kongreset e tyre.

Përshëndetja e Ebba Busch drejtuar Liberalëve përshkruhet si miqësore dhe korrekte, ndërsa ajo ndaj SD ishte “shumë joviale”.

“Tre nga katër partitë e Tidö-s  SD, M dhe KD kanë vendosur të ndajnë postet ministrore me njëra-tjetrën. Tre parti që gjithashtu do të kenë shumë pak interes për të bërë fushatë për të katërtën,” shkruan gazeta.

Håkan Boström në Göteborgs-Posten thotë se qasja e Liberalëve ndaj SD i ngjan mënyrës se si politika suedeze e emigracionit është trajtuar gjatë viteve të fundit.

“Idealet  të shprehura si slogane për kufij të hapur dhe për barazinë e çdo njeriu, u lanë të pengonin një politikë që të ishte njëkohësisht humane dhe realiste. Prandaj ka mbetur shumë e rëndësishme që Sverigedemokraterna të shihen si mishërimi i së keqes.”