Paralajmërim: Sot është dita më e rrezikshme për zjarre gjatë vitit

Qytetarët këshillohen të kontrollojnë alarmet e zjarrit dhe të ndërrrojnë bateritë, sepse Dita e Parë e Adventit njihet si një nga ditët më të rrezikshme për zjarre. Lajmi konfirmohet nga TV4 Nyheterna.

Sipas raportimeve, rreth 40% e të gjitha zjarreve të vitit ndodhin nga nëntori deri në shkurt. Rreziku rritet veçanërisht të dielave të dhjetorit, kur shumë njerëz përdorin qirinj të vërtetë për festimet e fundvitit.

Mjeku specialist, Morten Kildal, u bën thirrje qytetarëve të marrin masa të thjeshta, por shumë të rëndësishme për sigurinë nga zjarri në shtëpi. Ai thekson se një kontroll i vogël sot mund të bëjë diferencë të madhe në të ardhmen.

“Po t’i kontrollonin të gjithë në Suedi mjetet e sigurisë sot, mund të them me siguri se në vitin 2026 do të kishim më pak pacientë që përfundonin tek ne si pasojë e zjarreve,” shprehet Kildal.