Shenja pozitive për ekonominë: Inflacioni bie. Black Week faktor surprizë

Inflacioni në Suedi ra ndjeshëm gjatë nëntorit, krahasuar me tetorin, dhe shifrat paraprake dolën më të ulëta se pritshmëritë e analistëve. Norma e inflacionit, e matur sipas KPIF, tregoi një rënie më të fortë sidomos tek matësi pa energji, KPIF-XE, gjë që befasoi ekspertët.

Këto të dhëna janë të rëndësishme për Bankën Qendrore (Riksbanken), por sipas analistit të DI, Viktor Munkhammar, ato nuk pritet të ndryshojnë vendimet e bankës për normën e interesit.

“Me shumë gjasa, për periudhën e afërt, norma e interesit do të mbetet e pandryshuar”, thotë ai.

Edhe analisti i DN, Carl Johan von Seth, e cilëson rënien e inflacionit si një surprizë. Nëse shifrat paraprake vërtetohen kur të publikohen rezultatet përfundimtare, kjo do të jetë “ulja më e madhe e përgjithshme e çmimeve” që nga pandemia.

Të dy analistët shprehen se Java e Black Friday (Black Week) ka luajtur rol të rëndësishëm në këtë zhvillim dhe e quajnë një “joker” në statistika. Por në të njëjtën kohë theksojnë se shifrat, së bashku me tendencat e tjera ekonomike, janë sinjal pozitiv për ekonominë.

Inflacioni në Suedi (KPIF) – 2025

• Nëntor:
• Tetor: 3,1%
• Shtator: 3,1%
• Gusht: 3,2%
• Korrik: 3,0%
• Qershor: 2,8%
• Maj: 2,3%
• Prill: 2,3%
• Mars: 2,3%
• Shkurt: 2,9%
• Janar: 2,2%

Burimi: DN/DI/SCB/SVD