Hendeku i të ardhurave mes burrave dhe grave nuk ka ndryshuar për 30 vjet

Një raport i ri nga organizata Fredrika Bremer tregon se dallimi i të ardhurave mes burrave dhe grave ka qenë i njëjtë për 30 vite. Sipas studiuesve që kanë punuar në këtë publikim, ky hendek nuk shpjegohet vetëm me zgjedhjet individuale që bëjnë njerëzit.

Raporti, i quajtur “libër i bardhë”, tregon se një rol gjithnjë e më i madh në pabarazi e kanë të ardhurat nga kapitali, pra pasuritë dhe fitimet që nuk vijnë nga paga e punës.

Kryetarja e organizatës, Camilla Wagner, thotë në një deklaratë për media:

“Nëse Suedia e ka seriozisht barazinë ekonomike, atëherë kapitali duhet të futet në politikë me të vërtetë.”