Funksion i ri i Swish në vitin 2026. Ja çfarë do të mund të bëni së shpejti në aplikacion?

Swish përdoret nga pothuajse e gjithë popullsia e rritur e Suedisë dhe është mënyra më e shpejtë për të transferuar para nga një llogari bankare në tjetrën. Shërbimi vazhdimisht shton funksione të reja për ta bërë përdorimin edhe më të lehtë dhe më praktik.

Në fund të vitit të kaluar, Swish prezantoi pagesat me “blip” direkt në aplikacion. Ky funksion do të zgjerohet gjatë pranverës së vitit 2026 dhe do të bëhet i disponueshëm për shumë më tepër përdorues. Për këtë risi ka shkruar më herët edhe Nyheter24.

Por kjo nuk është e vetmja risi që Swish po përgatit për vitin e ardhshëm.

Ndarja e pagesave, funksion i ri në Swish.

Swish planifikon të lançojë një funksion të ri gjatë pranverës së vitit 2026. Lajmi është raportuar edhe nga faqja financiare FinansWatch.

Funksioni i ri do t’u mundësojë përdoruesve të ndajnë shpenzimet mes miqsh. Në të njëjtën kohë, do të jetë e mundur që përmes aplikacionit të dërgohen kërkesa për pagesë (Swish-förfrågan).

Alternativë ndaj aplikacionit Steven

Aktualisht, shumë suedezë përdorin aplikacionin Steven për të ndarë pagesat mes disa personash. Me funksionin e ri, Swish pritet të ofrojë një alternativë të integruar direkt në aplikacionin e vet.

“Ne po e zhvillojmë shërbimin për ta bërë edhe më të lehtë ndarjen e kostove me disa persona. Ky funksion do të lançohet gjatë pranverës, ndaj duhet të prisni për më shumë informacion”, tha Jenny Ragnartz, specialiste për PR dhe komunikim në Swish për Nyheter24.

Ende nuk dihet saktësisht se si do të funksionojë kjo risi dhe data e saktë e lançimit. Megjithatë, një gjë është e sigurt: ndarja e shpenzimeve me miqtë do të bëhet shumë më e thjeshtë direkt në aplikacionin Swish.