-40 Gradë në malet e Suedisë. Banorët detyrohen të dalin jashtë në të ftohtë

Në Gielas, një zonë malore në Västerbottens, në natën e kaluar është matur temperatura më e ftohtë e dimrit, −40 gradë. Banorët e zonës përballen me sfida të mëdha për shkak të të ftohtit ekstrem.

Expressen ka intervistuar Viktoria, një banore 46-vjeçare e Gielas. Të dielën në mëngjes, ajo u zgjua dhe pa në termometër −39,8 gradë. Ujësjellësat e fshatit janë ngrirë dhe për këtë arsye Viktoria duhet të dalë jashtë dhe të mbajë kanaçe me ujë.

“Kjo është ndoshta pjesa më e vështirë tani, që duhet të dal në këtë të ftohtë,” tha ajo.

Në pjesë të mëdha të veriut të Norrland-it temperaturat kanë rënë nën −30 gradë, dhe pothuajse në të gjithë vendin ka temperatura nën zero, sipas agjencisë TT.