Indikator: Tre parti nën pragun zgjedhor në dhjetor

Sipas matjes së fundit të opinionit nga Indikator/Sveriges Radio për muajin dhjetor, tre parti politike rezultojnë nën pragun zgjedhor për të hyrë në Parlamentin suedez (Riksdag).

Partia e Qendrës (Centerpartiet) dhe Demokratët e Krishterë (Kristdemokraterna) kanë rënie të mbështetjes dhe bien të dyja nën pragun prej 4%. Partia e Qendrës merr 3,8%, ndërsa Demokratët e Krishterë 3,9%. Rënia e Partisë së Qendrës ka qenë e vazhdueshme që nga largimi i Anna-Karin Hatt nga posti i kryetares së partisë, pas vetëm gjashtë muajsh në detyrë.

Sekretari i partisë, Hannes Hervieu, thotë se viti 2025 ka qenë i vështirë për partinë.

“Është e qartë se viti 2025 ishte një vit turbulent për Partinë e Qendrës dhe kjo mund të ketë ndikuar në këto shifra”, shprehet ai.

Nën pragun zgjedhor mbetet edhe Partia Liberale (Liberalerna), e cila merr vetëm 2,1% të mbështetjes.

Ndërkohë, blloku i majtë, i ashtuquajturi kampi i kuq-gjelbër, forcon pozitat e tij dhe rrit epërsinë ndaj bllokut tjetër në 6,7%.

Rezultatet e plota të matjes (në përqindje):

V: 7,1

MP: 6,4

S: 35,2

C: 3,8

L: 2,1

M: 18,4

KD: 3,9

SD: 21,4

Si u realizua matja e opinionit:

Matja është kryer nga Indikator Opinion për Ekot. Janë realizuar gjithsej 2 753 intervista në periudhën nga 3 dhjetori deri më 29 dhjetor. Pyetja që iu bë të anketuarve ishte: “Si do të votonit nëse zgjedhjet parlamentare do të mbaheshin sot?”.

Përzgjedhja e pjesëmarrësve është bërë në mënyrë të rastësishme. Janë kontaktuar 6 385 persona mbi moshën 18 vjeç. Personat që nuk mundën ose nuk dëshironin të tregonin se për kë do të votonin, u pyetën se cilën parti pëlqejnë më shumë. Rezultatet janë përpunuar dhe peshuar sipas gjinisë, moshës dhe votës në zgjedhjet parlamentare të vitit 2022.