Qeveria prezanton plan të ri: metroja dhe tunelet do të shërbejnë si strehim në rast lufte

Në Suedi nuk ka mjaftueshëm strehim për të gjithë popullsinë. Për këtë arsye, qeveria ka prezantuar një plan të ri që parashikon përdorimin e vendeve të tjera për mbrojtje në rast lufte. Këto vende quhen hapësira të mbrojtura dhe do të përdoren si plotësim i strehimeve ekzistuese.

Plani u prezantua gjatë një konference për shtyp, e cila u mbajt në një garazh në Kungsholmen, në Stokholm.

Çfarë janë hapësirat e mbrojtura?

Hapësirat e mbrojtura nuk janë strehimore të plota, por ofrojnë mbrojtje më të kufizuar. Ato do të përdoren së bashku me:

• strehime të mëdha për mbrojtjen e popullsisë, si ajo në Katarinaberget
• strehim normale, të cilat janë më të vogla dhe zakonisht ndodhen në bodrumet e ndërtesave të banimit

Ministri për mbrojtjen civile, Carl-Oskar Bohlin (M), sqaroi se këto hapësira janë vetëm një shtesë dhe jo zëvendësim i strehimeve ekzistuese.

Metroja, tunelet dhe bodrumet do të shërbejnë si strehim

Si hapësira të mbrojtura mund të përdoren:

• platformat e metrosë
• tunelet rrugore
• bodrumet

Me ligjin e ri, komunat do të kenë përgjegjësi:

• të vendosin tabela që tregojnë ku ndodhen këto hapësira
• të informojnë qytetarët
• dhe të sigurojnë që vendet të jenë të përdorshme në rast lufte

Këto hapësira pritet të krijojnë rreth 1.5 milion vende shtesë në gjithë vendin. Ato ofrojnë atë që quhet “mbrojtje e arsyeshme” nga pasojat e luftës.

Megjithatë, ato nuk ofrojnë të njëjtin nivel mbrojtjeje si strehimet e plota, të cilat janë ndërtuar dhe testuar për të përballuar:

• valë të forta presioni
• copa nga shpërthime
• zjarr
• rrezatim radioaktiv
• dhe rrënoja nga ndërtesat që shemben

Strehimi në Kungsholmen

Strehimi në Kungsholmen, ku u mbajt konferenca për shtyp, është rinovuar kohët e fundit. Ajo përdoret edhe si garazh.

Sipas Carl-Gustaf Bohlin, ky strehim është pajisur me sistem ventilimi dhe pajisje të tjera dhe është përgatitur për të funksionuar për 30 vitet e ardhshme.

Çfarë duhet të dinë qytetarët?

• Në Suedi ka rreth 64 000 strehime në rast lufte
• Ato kanë vend për rreth 7 milion njerëz
• Vëndet e strehimit janë të shënuara me tabelë blu dhe portokalli me mbishkrimin “SKYDDSRUM”
• Çdo vend strehimi është i ndërtuar për një numër të caktuar personash
• Ato duhet të strehojnë njerëzit për të paktën 3 ditë rresht
• Në rast rreziku, qytetarët duhet të shkojnë në strehimet më të afërt
• Nëse qeveria shpall gatishmëri të lartë, pronari i ndërtesës duhet ta përgatisë këto strehime brenda 48 orëve

Burimi: Agjencia Suedeze për Mbrojtjen Civile dhe Gatishmërinë (MSB)/ SVT

Link: https://www.svt.se/nyheter/lokalt/stockholm/regeringens-satsning-har-ska-stockholmare-soka-skydd-i-framtiden