Kaos në transportin publik në Göteborg: dhjetëra linja të anuluara

Transporti publik në qytetin e Göteborgut po përballet me probleme serioze. Sipas Västtrafik, trafiku i autobusëve dhe trenave është ndikuar rëndë nga kushtet e motit. Aktualisht janë anuluar 23 linja autobusësh, ndërsa në sistem janë regjistruar mbi 100 ndërprerje dhe shqetësime në qarkullim.

Një pasagjere tregon për situatën e vështirë që gjeti në stacionin e autobusit.

“Kur shkova te autobusi, u trondita shumë. Rreth 60–70 persona qëndronin të grumbulluar, si pingvinë, duke pritur autobusin”, thotë ajo.

Sipas saj, kaosi në transportin publik ka nisur që të mërkurën, kur në qytet ra një sasi e madhe bore.

“ E kuptoj që javën e kaluar kishte vështirësi për shkak të borës, por tani në rrugë ka shumë makina. Sa do të zgjasë kjo situatë? Nuk është aq ftohtë sa të vazhdojë ky kaos”, shprehet pasagjerja.

Västtrafik njofton se problemet kryesore lidhen me mungesën e mjeteve të transportit. Kompania paralajmëron se vonesa dhe anulime të nisjeve mund të ndodhin edhe me njoftim shumë të shkurtër, siç theksohet në faqen e saj zyrtare.