Suedi: Tre nga dhjetë nxënës mësojnë nga mësues pa licencë: “Një tradhti ndaj fëmijëve”

Një raport i ri nga sindikata Sveriges Lärare tregon se nxënësit suedezë kanë më pak akses ndaj mësuesve të licencuar se kurrë më parë.

“Zonat popullore dhe me më shumë burime tërheqin mësues të licencuar dhe të kualifikuar. Zonat me punë të ngarkuar dhe kushte më të dobëta kanë efekt të kundërt. Kjo nuk është tjetër veçse një tradhti ndaj fëmijëve dhe nxënësve”, thotë Anna Olskog, kryetare e sindikatës, për TV4 Nyheterna.

Që nga viti 2011, është kërkuar licenca për të qenë mësues me kontratë të përhershme dhe për të dhënë nota. Megjithatë, sot 30% e nxënësve në shkollën fillore mësojnë nga një mësues pa licencë.

Raporti gjithashtu tregon se aksesin ndaj mësuesve të kualifikuar po e përcakton gjithnjë e më shumë prejardhja dhe vendbanimi i nxënësve.

Burimi: TV4/ Sveriges Lärare

Link: https://www.tv4.se/artikel/4NjRA8nDN9sErBOmtVWqjj/facket-kraever-aendring-foer-fa-legitimerade-laerare-i-skolan

https://www.sverigeslarare.se/om-oss/opinion-debatt/undersokningar/lararlegitimation-reformen-som-kom-av-sig/

https://www.riksrevisionen.se/nyhetsarkiv/nyhetsarkiv/2025-05-15-obehoriga-och-olampliga-larare-i-skolan—trots-lararlegitimation.html