Propozimi i qeverisë për paktin e emigracionit kritikohet nga shumë institucione

Qeveria suedeze po përballet me kritika të forta për mënyrën se si ka trajtuar propozimet për përshtatjen e ligjeve suedeze me paktin e Bashkimit Evropian për emigracionin dhe azilin, raporton Altinget.

Kritikat lidhen kryesisht me afatin shumë të shkurtër që qeveria ka vendosur për dorëzimin e komenteve dhe mendimeve zyrtare. Sipas institucioneve të përfshira, më shumë se 1 500 faqe me ndryshime të mëdha dhe të ndërlikuara është dashur të shqyrtohen brenda pak më shumë se gjashtë javësh, përfshirë edhe pushimet e Krishtlindjeve dhe Vitit të Ri.

Avokati i Popullit ka reaguar ndaj këtij afati, duke theksuar se ai është dukshëm më i shkurtër se sa praktika e zakonshme.

Edhe Agjencia Suedeze e Migracionit ka shprehur pakënaqësi për kohën e kufizuar të konsultimit, por njëkohësisht thekson rëndësinë që legjislacioni i ri të hyjë në fuqi sa më shpejt.

Përveç afatit të shkurtër, disa institucione janë kritike edhe ndaj përmbajtjes së vetë propozimeve. Instituti për të Drejtat e Njeriut paralajmëron për kufizime serioze të sigurisë juridike, ndërsa Avokati kundër Diskriminimit vlerëson se rreziqet për diskriminim në procesin e azilit janë të qarta dhe të dukshme.