Liberalët kërkojnë ndryshim të tonit ndaj emigracionit në Suedi

Partia Liberale në Suedi (Liberalerna) kërkon që të ndryshohet mënyra se si flitet për emigracionin dhe emigrantët. Sipas tyre, toni aktual është shumë negativ dhe po largon emigrantët e kualifikuar. Kjo shkruhet në gazetën suedeze Svenska Dagbladet.

Liberalët duan gjithashtu që Agjencia Suedeze e Migracionit (Migrationsverket) të mos ketë më përgjegjësi për emigracionin e fuqisë punëtore. Në vend të saj, ata propozojnë krijimin e një autoriteti të ri shtetëror, i cili do të ketë si qëllim ta bëjë më të lehtë ardhjen e njerëzve për të punuar në Suedi.

Ministri i Punësimit, Johan Britz (L), thotë se mënyra se si flitet sot për emigracionin po i frikëson njerëzit e arsimuar dhe profesionistët e huaj. Ai kritikon partitë Sverigedemokraterna, Moderaterna dhe Socialdemokraterna për këtë klimë negative.

Sipas Britz, problemi kryesor është se krijohet përshtypja se Suedia është kundër emigracionit në përgjithësi. Ai paralajmëron se kjo është shumë e rrezikshme për Suedinë, sepse është një vend i vogël që varet shumë nga bashkëpunimi me jashtë dhe që ka brenda kufijve të saj disa nga kompanitë dhe organizatat më të rëndësishme në botë.

Burimi: SVD

Link: https://www.svd.se/a/2pdXRx/liberalerna-vill-skapa-ny-myndighet-for-arbetskraftsinvandring