Merr patentën herët, fiton mbi 11 000 kr më shumë në muaj.

Personat që marrin patentën e makinës para moshës 21 vjeçare fitojnë shumë më tepër në jetë. Një studim i ri tregon se ata kanë mbi 11 000 krona më shumë në muaj krahasuar me ata që nuk kanë patentë.

Sipas studimit, kjo do të thotë një rritje page prej rreth 136 000 kronash në vit për ata që e kanë marrë patentën herët.

Studimi zbulon diferencë të madhe në paga

Studimi është porositur nga kompania e sigurimeve Veygo by Admiral dhe është kryer në Britaninë e Madhe.

Rezultatet tregojnë se personat që nuk kanë patentë fitojnë mesatarisht 260 000 kr në vit. Ndërsa ata që e kanë marrë patentën para moshës 21 vjeçare fitojnë mesatarisht rreth 396 000 kr në vit. Diferenca mes tyre është e madhe dhe arrin në rreth 11 300 kr më shumë çdo muaj.

Patenta ndikon drejtpërdrejt në punë

Studimi tregon gjithashtu se patenta e makinës ka ndikim të drejtpërdrejtë në mundësitë e punës.

Pothuajse çdo i katërti shofer (23%) thotë se nuk do të mund ta bënte punën që ka sot pa patentë.

Në të njëjtën kohë, 39% e personave që nuk ngasin makinë pranojnë se kanë humbur të paktën një mundësi pune sepse nuk kishin patentë.

Avantazh për të rinjtë

Marrja e patentës që herët u jep të rinjve një avantazh të madh. Ata që e kanë marrë patentën para moshës 21 vjeçare thonë se kjo i ka ndihmuar të gjejnë të paktën një punë shtesë në atë periudhë, sipas gazetës The Sun.

Eksperti: “Bën një ndryshim të madh”

Studimi është porositur nga Veygo by Admiral, ku Ian Edwards është ekspert për shoferët e rinj.

“ Ne e dimë se ngasja e makinës që herët mund të bëjë një ndryshim të vërtetë. Ai hap mundësi pune dhe u jep njerëzve vetëbesim për të marrë kontrollin mbi jetën e tyre, thotë Ian Edwards.