Ystad përgatitet për stuhi bore, anulohen autobusët dhe mbyllen shkollat

Qyteti i Ystadit po përgatitet për një stuhi të madhe bore. Për shkak të motit të keq që pritet në zonën e Österlen, të gjithë autobusët në Ystad janë anuluar duke filluar nga ora 14. Lajmi raportohet nga SVT Skåne.

Po ashtu, janë anuluar edhe të gjitha linjat e trenave mes Ystadit dhe Simrishamnit.

Gjimnazi i Ystadit ka vendosur që të hënën të mbajë shkollën të mbyllur. Nxënësit do të zhvillojnë mësim në distancë. Edhe komunat e Tomelillës dhe Ystadit kanë vendosur të anulojnë të gjithë transportin shkollor.

Sipas parashikimeve të motit, pritet të bien deri në tre decimetra borë. Instituti Meteorologjik Suedez, SMHI, ka lëshuar paralajmërim portokalli për zonën, i cili do të jetë në fuqi nga ora 17.