Kujdes: Mashtrues përdorin BankID duke u shtirë si Skatteverket

Policia ka dalë me një paralajmërim të rëndësishëm për përdoruesit e BankID.

Vala e mashtrimeve vazhdon dhe po merr gjithnjë e më shumë viktima.

Këtë herë, mashtruesit po shtiren sikur janë nga Skatteverket (Administrata Tatimore Suedeze). Policia konfirmon se ka marrë disa kallëzime dhe u bën thirrje qytetarëve të jenë shumë të kujdesshëm.

Email-e të rreme në emër të Skatteverket

Sipas policisë, janë raportuar disa raste mashtrimi përmes email-eve që duken sikur vijnë nga Skatteverket.

Në një rast konkret, një person është udhëzuar përmes email-it të klikojë në një ikonë për të paguar kvarskatt (tatim i mbetur për t’u paguar).

Gjatë përpjekjes së parë, personi mori një mesazh se pagesa nuk kishte kaluar. Më pas, ai e përsëriti procedurën dhe përfundoi duke humbur para dy herë. Rasti po hetohet nga policia si mashtrim.

Apeli i policisë

Policia u bën thirrje qytetarëve që të jenë vigjilentë dhe të mos ndjekin në asnjë rrethanë udhëzimet që vijnë përmes këtyre email-eve.

Nëse merrni email-e që pretendojnë se vijnë nga Skatteverket, policia këshillon:

• të mos klikoni në asnjë link, pavarësisht nëse bëhet fjalë për pagesë tatimi apo kthim parash,
• të mos jepni të dhëna personale,
• të mos identifikoheni me BankID me kërkesë të personave ose mesazheve të panjohura.

Edhe Skatteverket paralajmëron

Edhe vetë Skatteverket ka dalë me paralajmërim për këto mashtrime.

Sipas autoritetit tatimor, mashtruesit shpesh shtiren si Skatteverket për të marrë të dhëna personale përmes phishing-ut dhe mashtrimeve në internet.

Ata përdorin forma të ndryshme kontakti, si:

• email-e të rreme,
• SMS,
• letra,
• telefonata.

Tre këshilla të qarta për qytetarët

Skatteverket u bën thirrje qytetarëve që:

• të mos klikojnë në linke ose të mos skanojnë kode QR,
• të mos hapin link bashkëngjitje,
• të mos i përgjigjen mesazhit.

Autoritetet theksojnë se kujdesi dhe mosveprimi ndaj këtyre mesazheve është mënyra më e sigurt për të shmangur mashtrimin.

Burimi: marcusoscarsson/ Polisen.se/Skateverkett/Bank-id

Link: https://marcusoscarsson.se/tung-bank-id-varning-utfardas-anmalningar-ramlar-in/