Ministri Förssell: Socialdemokratët flasin për një premtim që nuk është dhënë kurrë

Qeveria suedeze nuk ka dhënë asnjë premtim për të paraqitur një zgjidhje që do të ndalonte dëbimin e fëmijëve që kanë ardhur në Suedi bashkë me familjet e tyre, kur ata mbushin moshën 18 vjeç. Kështu deklaron ministri i Migracionit, Johan Forssell (M), për agjencinë e lajmeve TT.

Më herët gjatë kësaj jave, Partia e Majtë (V), Partia e Gjelbër (MP) dhe Partia e Qendrës (C) kërkuan që të ndaleshin të ashtuquajturat “dëbime të adoleshentëve”, pra rastet kur të rinjtë dëbohen sapo mbushin 18 vjeç. Megjithatë, Socialdemokratët (S) zgjodhën të mos e mbështesnin këtë propozim të opozitës.

Pas kritikave të forta, përfshirë edhe reagime nga socialdemokratë lokalë, kryetarja e Socialdemokratëve, Magdalena Andersson, deklaroi të enjten se qeveria kishte premtuar se do të gjente një zgjidhje për këtë çështje dhe se tani pritej realizimi i këtij premtimi.

Por sipas ministrit Johan Forssell, një premtim i tillë nuk ekziston.

”Magdalena Andersson duket se nuk e njeh mirë legjislacionin në këtë rast”, thotë ai për TT.

Burimi: TT/Omni

Link: https://tt.omni.se/minister-om-tonarsutvisningar-inte-lovat-nagot/a/L418pV