Johan Forssell: Testi i shtetësisë nuk do të jetë një marrje në pyetje për çdo detaj të historisë së Suedisë.

Testi i njohurive shoqërore për Suedinë, të cilin të gjithë shtetasit e rinj duhet ta kalojnë përpara se të marrin shtetësinë, mund të ngjajë me testin danez të shtetësisë, i njohur si indfødsretsprøven. Kështu deklaron ministri i Migracionit, Johan Forssell (M), në një intervistë për gazetën GP, pas vendimit të djeshëm të qeverisë për ashpërsimin e rregullave për marrjen e shtetësisë suedeze.

Sipas Forssellit, testi nuk do të jetë një marrje në pyetje për çdo detaj të historisë së Suedisë.

“Nuk bëhet fjalë që njerëzit të pyeten për historinë e saktë të vendit, apo se cili mbret erdhi në pushtet në një vit të caktuar. Testi do të fokusohet më shumë te aftësitë që nevojiten për të jetuar dhe për t’ia dalë mbanë në Suedi”, thotë ai.

Ludvig Aspling nga partia Sverigedemokraterna (SD) ka dhënë më parë versionin amerikan të një testi të tillë dhe shpreson që varianti suedez të jetë pak më i vështirë.

Ekspertë dhe studiues nga Universiteti i Göteborgut janë ngarkuar me detyrën për të përgatitur testin e njohurive. Qeveria shpreson që testi të fillojë të përdoret zyrtarisht nga data 6 qershor.

Burimi: GP/siri.dk

Link: https://www.gp.se/politik/samhallsprovet-for-nya-svenskar-inte-vilken-kung-som-tilltradde-nar.d2115777-37c7-46a0-92bf-5a1896a1bc1d

https://siri.dk/media/szvlnl5x/indfoedsretsproeven-2025-11.pdf