Eksperti: Akulli në Stockholm është veçanërisht i rrezikshëm.

Pavarësisht paralajmërimeve të policisë që qytetarët të mos dilnin mbi akullin pranë Norr Mälarstrand, në qendër të Stokholmit, shumë njerëz dolën mbi ujërat e ngrira gjatë fundjavës.

Ky veprim nuk u mirëprit nga Jan Insulander, drejtues projekti në Këshillin për Sigurinë në Akull (Issäkerhetsrådet).

“Është një vend fantastik për të qëndruar, por në zonën e Stokholmit duhet treguar kujdes,” tha ai për gazetën Svenska Dagbladet(SvD).

Gjatë së dielës, tre persona ranë nëpër akull. Fatmirësisht, ata shpëtuan pa lëndime të rënda.

Sipas Insulander, dalja mbi akull në qendër të Stokholmit është e rrezikshme. Ai shpjegon se anijet që kalojnë krijojnë lëvizje në ujë, ndërsa rrymat e ujit e gërryejnë akullin nga poshtë. Kjo e bën akullin më të dobët dhe më të pasigurt për njerëzit.

Burimi: SVD

Link: https://www.svd.se/a/K8z1vX/tre-personer-gick-igenom-isen-i-centrala-stockholm-bekymrad