Targat blu dhe jeshile në Suedi. Çfarë domethënie kanë dhe pse përdoren.

Në rrugët e Suedisë shpesh shihen makina me targa jeshile ose blu. Ato duken ndryshe nga targat e zakonshme të bardha dhe shpesh ngjallin kureshtje tek shoferët. Këto nuk janë targa të zgjedhura nga pronari, por targa të posaçme që lidhen me përdorimin e mjetit ose me statusin e pronarit.

Targat jeshile, për kompani të industrisë së makinave

Targat jeshile quhen targa tregtare (saluvagnsskyltar). Ato përdoren nga kompani që merren me makina, si tregtarë, prodhues, transportues dhe kompani që testojnë automjete.

Këto targa përdoren kur një makinë ende nuk është regjistruar ose është e çregjistruar përkohësisht. Për këtë arsye, shpesh shihen në makina krejt të reja që transportohen nga magazina në servis apo tek shitësi, ose në makina testimi që lëvizin në distanca të gjata.

Targa jeshile i përket kompanisë dhe jo një makine të caktuar. Ajo mund të vendoset në mjete të ndryshme që kompania i përdor për qëllime pune.

Ka rregulla të qarta për përdorimin e saj:

• Lejohet vetëm për udhëtime që lidhen drejtpërdrejt me aktivitetin e kompanisë.
• Nuk lejohet përdorimi për qëllime private.
• Nuk lejohet për përdorim të zakonshëm familjar apo personal.
• Duhet të jetë e montuar siç duhet dhe nuk lejohet të vendoset në xhamin e pasmë.

Qëllimi i kësaj targe është që kompanitë të mos paguajnë taksë dhe sigurim për çdo makinë që qarkullon vetëm përkohësisht. Nëse rregullat shkelen, autoritetet mund t’ia heqin kompanisë të drejtën e përdorimit të këtyre targave.

Targat blu – për ambasada dhe organizata ndërkombëtare

Targat blu përdoren për makina që u përkasin ambasadave, konsullatave dhe disa organizatave ndërkombëtare në Suedi. Vendimin për këto targa e merr Ministria e Punëve të Jashtme e Suedisë. Ato njihen si targa diplomatike ose targa të përfaqësive.

Një targë blu tregon se makina përdoret për qëllime zyrtare.

Shpesh mendohet se makinat me targa blu kanë privilegje në trafik. Por një targë diplomatike nuk do të thotë se makina mund të shkelë rregullat. Shoferi duhet të respektojë ligjet suedeze të trafikut si çdo qytetar tjetër.

Megjithatë, në praktikë mund të jetë më e vështirë të mblidhen gjobat nga diplomatët, sepse ata shpesh kanë imunitet diplomatik. Kjo do të thotë se, për shembull, gjobat nga radarët e shpejtësisë ose disa shkelje të tjera, jo gjithmonë sjellin të njëjtat pasoja si për shoferët e zakonshëm edhe pse shkelja është e njëjtë dhe e ndaluar.

Pra, herën tjetër që shihni një makinë me targë jeshile ose blu, ngjyra tregon “misionin” e saj. Targa jeshile tregon se makina po përdoret nga një kompani për qëllime pune. Targa blu tregon se makina i përket botës diplomatike.

Shtetet dhe organizatat që kanë targa diplomatike në Suedi

Më poshtë janë shtetet dhe organizatat me kodet përkatëse në targat blu diplomatike:

Afganistani (BB)

Shqipëria (AB)

Algjeria (AC)

Shtetet e Bashkuara të Amerikës (AF)

Angola (AG)

Nunciatura Apostolike (FF)

Argjentina (AJ)

Armenia (AE)

Australia (AK)

Azerbajxhani (EM)

Bangladeshi (AM)

Belgjika (AN)

Bolivia (AP)

Bosnje-Hercegovina (EK)

Botsvana (AR)

Brazili (AS)

Bullgaria (AT)

Burundi (EC)

Kanadaja (AU)

Kili (AW)

Kolumbia (AY)

Kuba (BC)

Qipro (EN)

Danimarka (BD)

Republika Dominikane (BE)

Ekuadori (BG)

Egjipti (BF)

El Salvadori (FC)

Eritrea (EL)

Estonia (ED)

Etiopia (BJ)

Komisioni Evropian në Suedi (FG)

Banka Evropiane e Investimeve (FX)

Agjencia Evropiane e Hapësirës – ESA (EA)

Bashkimi Evropian – BE (EB)

Filipinet (CX)

Finlanda (BK)

Komisariati i Lartë i OKB-së për Refugjatët (DU)

Franca (BL)

Emiratet e Bashkuara Arabe (FJ)

Gjeorgjia (FL)

Greqia (BN)

Guatemala (BP)

Hondurasi (ES)

India (BT)

Indonezia (BU)

International IDEA (EV)

Iraku (BW)

Irani (BX)

Irlanda (BY)

Islanda (BZ)

Izraeli (CA)

Italia (CB)

Japonia (CC)

Kepi i Gjelbër (EX)

Kazakistani (BR)

Kenia (CD)

Republika Popullore e Kinës (AX)

Republika Demokratike e Kongos (FB)

Republika e Kongos (FS)

Koreja e Veriut (BA)

Koreja e Jugut (AZ)

Kosova (FT)

Kroacia (EG)

Kuvajti (ER)

Laosi (CE)

Letonia (EE)

Libani (CF)

Libia (CG)

Lituania (EF)

Malajzia (CH)

Maqedonia e Veriut (EP)

Maroku (CJ)

Meksika (CK)

Mozambiku (CL)

Moldavia (FK)

Mongolia (FP)

Namibia (DY)

Holanda (CU)

Nikaragua (CM)

Nigeria (CN)

Sekretariati i Këshillit Nordik (DX)

Norvegjia (CP)

Zelanda e Re (FN)

Pakistani (CS)

Palestina (FW)

Panamaja (CT)

Paraguai (FU)

Peruja (CW)

Polonia (CY)

Portugalia (CZ)

Katari (CR)

Rumania (DA)

Ruanda (ET)

Rusia (DL)

Arabia Saudite (AH)

Zvicra (DE)

Senegali (DB)

Serbia (DR)

Sllovakia (EJ)

Sllovenia (EH)

Spanja (BH)

Sri Lanka (DD)

Mbretëria e Bashkuar (BM)

Sudani (DZ)

Afrika e Jugut (AA)

Siria (FD)

Tanzania (DF)

Çekia (DG)

Tajlanda (DH)

Tunizia (DJ)

Turqia (DK)

Gjermania (AD)

Ukraina (EM)

Hungaria (BS)

Uruguai (DM)

Uzbekistani (FZ)

Venezuela (DN)

Vietnami (DP)

Bjellorusia (FA)

Universiteti Botëror Detar (DW)

Zambia (DS)

Zimbabve (DT)

Austria (AL)

Sekretariati i Këshillit të Shteteve të Detit Baltik – CBSS (EY)

Çfarë do të thotë shkronja në targat blu diplomatike?

A – Shef i përfaqësisë (ambasador)

B – Ambasadë

C – Diplomat

D – Personel administrativ ose teknik

E – Konsullatë karriere

F – Konsull karriere

G – Zyrtar konsullate

H – Organizatë ndërkombëtare

I ose J – Zyrtar në organizatë ndërkombëtare

Burimi: Carup.se

Link:https://carup.se/bla-och-grona-reg-skyltar-sa-tyder-du-dem/#google_vignette