Lufta në Lindjen e Mesme mund të shtyjë uljen e normës së interesit në Suedi

Lufta në Lindjen e Mesme pritet të ndikojë në ekonominë suedeze dhe mund të bëjë që ulja e normës së interesit të shtyhet. Kështu shkruan agjencia suedeze e lajmeve (TT), pasi ka biseduar me përfaqësues të dy bankave të mëdha në Suedi.

Sipas kryeekonomistit të bankës SEB, Jens Magnusson, zhvillimet e fundit në Lindjen e Mesme kanë ndryshuar pritshmëritë për uljen e normës së interesit.

“Kjo luftë na ka bërë të ndihemi të bindur se ulja e normës së interesit do të shtyhet”, thotë Magnusson.

Edhe banka Swedbank ka një vlerësim të ngjashëm. Shefi i parashikimeve ekonomike në këtë bankë, Andreas Wallström, thotë se tregjet financiare tashmë po e rivlerësojnë situatën.

“Ka një rivlerësim mjaft të qartë të situatës”, shprehet Wallström.

Sipas tij, tregu e interpreton situatën si një zhvillim që mund të çojë në rritje të inflacionit, gjë që mund ta bëjë më të vështirë uljen e normës së interesit në këtë periudhë.

Burimi: Omni/TT

Link: https://tt.omni.se/efter-irankriget-glom-rantesankning-i-ar/a/q6PpRO