Qeveria suedeze ndan 1.4 miliardë korona për paketën e gatishmërisë

Qeveria e Suedisë do të ndajë 1.4 miliardë korona për një paketë të re që e quan “paketa e gatishmërisë”. Kjo u bë e ditur gjatë një konference për shtyp nga ministri për mbrojtjen civile, Carl-Oskar Bohlin, nga partia Moderaterna.

Sipas tij, një pjesë e këtyre parave do të përdoret për të krijuar rezerva me pajisje për gatishmërinë civile. Këto pajisje do të ruhen në vende të ndryshme në të gjithë Suedinë, në mënyrë që të mund të përdoren shpejt në rast nevoje.

Pajisjet do të jenë në dispozicion të rajoneve dhe komunave, të cilat mund t’i përdorin ato në rast krize ose lufte.

“Mund të bëhet fjalë për gjeneratorë, depozita për naftë diesel dhe materiale të tjera që mund të përdoren në rast lufte ose krize”, tha Bohlin gjatë konferencës për shtyp.

Përveç kësaj, qeveria do të japë edhe para drejtpërdrejt për komunat, në mënyrë që ato të mund të forcojnë përgatitjen dhe gatishmërinë e tyre për situata krize.

Burimi: Regeringen

Link:https://www.regeringen.se/pressmeddelanden/2026/03/regeringen-presenterar-beredskapspaket-presstraff/