Qyteti Diplomatik në Östermalm bëhet zonë sigurie nga 23 marsi

Qyteti Diplomatik në Östermalm, Stokholm, do të bëhet një zonë sigurie duke filluar nga e marta, 23 mars. Kjo do të thotë se policia mund të kontrollojë çdo person që ndodhet në zonë, edhe nëse nuk ka dyshim për ndonjë krim. Po ashtu, policia mund të kontrollojë automjetet për armë ose objekte të tjera të rrezikshme.

Personat me imunitet diplomatik nuk mund të kontrollohen.

Më shumë policë dhe kontrolle

Policia do të ketë më shumë prezencë në zonë se zakonisht dhe do të kryejë më shumë kontrolle parandaluese.

Zona përfshin:

• Një pjesë të Strandvägen,
• Dag Hammarskjölds väg,
• Gärdesgatan,
• Një pjesë të Valhallavägen,
• Shëtitoren nga Valhallavägen përmes Gärdet përgjatë Nobelstranden.

Rrezik për të shtëna dhe shpërthime

Policia thotë se vendimi u mor për shkak të një kërcënimi në rritje nga konflikti i armatosur në Lindjen e Mesme, sidomos midis Iranit, SHBA-së dhe Izraelit.

Ambasadat e Izraelit dhe të SHBA-së ndodhen brenda zonës.

Policia shkruan:

“Duke marrë parasysh ngjarjet e mëparshme dhe kërcënimin për këto interesa, ekziston një rrezik i konsiderueshëm i krimeve të rënda që përfshijnë të shtëna dhe shpërthime në zonë.”

Disa akte të dhunshme të kohëve të fundit

Shteti iranian ka përdorur agjentë kriminalë për të kryer krime të dhunshme kundër objektivave izraelite dhe hebraike në Suedi.

Burimi: Mitti.se

Përgatiti në Shqip ekipi Informacione për Suedin