Suedi: Disa banka rrisin normat e kredive për banesa

Gjatë mëngjesit të sotëm, disa banka kanë rritur normat e interesit për kreditë e banesave.

Sipas një njoftimi për shtyp, SBAB ka rritur normat e interesit për kreditë e banesave me 0,05 deri në 0,15 pikë përqindjeje. Kjo rritje hyn në fuqi nga data 31 mars. Banka e arsyeton këtë vendim me rritjen e normave në treg dhe me kostot më të larta të huamarrjes. Norma e interesit për kreditë me afat tre muaj është rritur dhe tani ka arritur në 3,20%.

Edhe bankat SEB dhe Skandia kanë bërë të njëjtin veprim, duke rritur normat e tyre të lëvizshme të interesit me 0,15 pikë përqindjeje.

Ndërkohë, bankat Danske Bank, Swedbank dhe Nordea i kishin rritur më herët normat e tyre të lëvizshme të kredive për banesa në të njëjtën masë.

Burimi: SEB/TT/SBAB

Link: https://seb.se/privat/bolan/bolanerantor?icmp=sebsep_bolan_rb_x_genomsnittsrantor

https://via.tt.se/pressmeddelande/4313088/sbab-hojer-rantorna-pa-bolan?publisherId=3236046&lang=sv