Svantesson kritikon bankat për rritjen e interesave: “E pandjeshme dhe shqetësuese”

Ministrja e Financave Elisabeth Svantesson është shprehur e habitur nga vendimi i disa bankave për të rritur normat e interesit për kreditë e banesave me normë të ndryshueshme me 0.15%.

Kjo rritje vjen edhe pse norma bazë e interesit e Riksbanken ka mbetur e pandryshuar.

“Mendoj se kjo është e pandjeshme. Dëmton besimin ndaj bankave dhe prek njerëzit që kanë kaluar vështirësi për një kohë të gjatë. Kjo është shqetësuese”, tha ajo për Afv.

Kritikat e ministres vijnë në një moment të ndjeshëm për ekonominë, kur qeveria po përpiqet ta ndihmojë atë të dalë nga “një nga recesionet më të gjata të dekadave të fundit”.

Sipas saj, këto veprime të bankave mund të vështirësojnë edhe më shumë situatën për qytetarët që tashmë janë përballur me sfida ekonomike për një kohë të gjatë.

Burimi: AFV

Link: https://www.affarsvarlden.se/artikel/svantesson-rasar-mot-bankerna-tondovt-det-ar-stotande?tpw=1774952387