Policia paralajmëron për festime masive dhe probleme me alkoholin gjatë Pashkëve në Jönköping

Policia në Suedi ka paralajmëruar për një fundjavë të mundshme të trazuar gjatë festës së Pashkëve në parkimin e qendrës tregtare Asecs në Jönköping. Sipas raportimeve nga mediat suedeze, shumë të rinj nga pjesë të ndryshme të jugut të vendit pritet të mblidhen në këtë vend për të festuar.

Sipas policisë, numri i pjesëmarrësve mund të arrijë deri në 9 000 persona. Megjithatë, autoritetet shpresojnë që situata të mbetet e qetë dhe të mos përsëriten problemet e vitit të kaluar, kur pati shumë persona të ndaluar dhe raste të shumta të raportuara si shkelje ligji.

Një shqetësim i madh për policinë është edhe prania e drogës në këtë zonë. Sipas informacioneve, grupe kriminale janë aktive dhe përpiqen të afrohen te të rinjtë për t’u shitur lëndë narkotike.

Për të përballuar situatën, gjatë fundjavës do të angazhohen punonjës socialë nga 15 komuna të ndryshme, si dhe vullnetarë. Po ashtu, në zonë do të jenë të pranishëm edhe disa policë civilë, të cilët do të monitorojnë situatën nga afër.

Policia u bën thirrje të rinjve që të sillen me përgjegjësi dhe të shmangin përfshirjen në aktivitete të paligjshme.

Burimi: Expressen

Link: https://www.expressen.se/nyheter/sverige/stok-och-fylla-vantas-i-jonkoping-i-pask/