Rregulla të reja për qiratë: Qiratë në dorë të dytë mund të ndryshojnë çmimet dhe të rrisin ofertën e banesave

Qeveria suedeze planifikon të ndryshojë rregullat për dhënien me qira të banesave në dorë të dytë, për ta bërë këtë proces më të lehtë. Sipas raportimit të Ekot, propozimi parashikon që banesat të mund të jepen me qira për një kohë më të gjatë se sa lejohet aktualisht.

Gjithashtu, do të bëhet më e vështirë për shoqatat e banesave që të ndalojnë dhënien me qira në dorë të dytë. Një tjetër ndryshim i rëndësishëm është se vendosja e çmimeve të qirasë do të jetë më e lirë, duke u lënë më shumë hapësirë pronarëve.

Kritikët paralajmërojnë se këto ndryshime mund të sjellin rritje të çmimeve të qirave dhe mund të nxisin disa persona që të blejnë banesa vetëm për t’i dhënë me qira.

Nga ana tjetër, ka edhe mendime se këto rregulla të reja mund të rrisin numrin e banesave në dispozicion për qira.

“Qëllimi i kësaj është të shfrytëzohet më mirë oferta ekzistuese e banesave,” thotë Maria Björkander, drejtoreshë e faqes së qirasë Qasa.

Burimi: Sverigesradio

Link: https://www.sverigesradio.se/artikel/nya-regler-for-andrahandsuthyrning-vantas-det-andras