Apel për qytetarët nga stuhia “Dave”: Merrni ushqim me vete nëse duhet të dilni

Shoferët në zonat që janë përfshirë nga paralajmërimet për mot të keq këtë të diel këshillohen të mendojnë mirë nëse është e nevojshme të dalin në rrugë apo nëse mund ta shtyjnë udhëtimin.

Këtë e ka bërë të ditur zëdhënësi për shtyp i Administratës së Transportit, Johan Nilsson Holmqvist, i cili thekson se kushtet në rrugë mund të bëhen shumë të vështira.

Ai këshillon qytetarët që të përgatiten për situata të papritura, si për shembull nëse mbeten të bllokuar në rrugë. Sipas tij, është e rëndësishme të marrin me vete një powerbank dhe ushqim.

“Nëse duhet të dilni patjetër, përgatituni që situata mund të jetë e vështirë”, ka thënë ai.

Megjithatë, apeli kryesor nga autoritetet është që qytetarët të shmangin plotësisht daljet në rrugë.

Ndërkohë, një paralajmërim portokalli është shpallur për pothuajse të gjithë rajonin e Västra Götaland, si dhe për disa pjesë të Småland dhe Östergötland.

Burimi: TV4/SMHI/TT/Omni

Link: https://www.tv4.se/artikel/7BS5XvebFBkrYXp3vx2jqF/smhi-utfaerdar-orange-varning-foer-stormbyar

https://www.smhi.se/vader/prognoser-och-varningar/varningar-och-meddelanden/varningar

https://tt.omni.se/stormen-dave-drar-in-tag-stalls-in/a/rrrxb0