Qindra mijëra të “padukshëm” në Suedi dhe nuk dihet çfarë bëjnë?

Mbi 300 mijë persona kanë shkuar të jetojnë në tre qytetet më të mëdha të Suedisë pa një arsye të regjistruar. Autoritetet nuk e dinë nëse këta njerëz punojnë apo nëse jetojnë ende në vend.

Ky informacion vjen nga një raport i organizatave të biznesit në tre qytetet kryesore: Malmö, Göteborg dhe Stockholm. Raporti është bazuar në të dhëna nga instituti i statistikave (SCB) dhe analizon periudhën 2013–2023.

Gjatë kësaj kohe, rreth 600 mijë persona kanë ardhur nga jashtë në këto qytete. Në këtë numër nuk përfshihen azilkërkuesit.

Nga këta 600 mijë persona:

• 75 mijë kanë deklaruar se kanë ardhur për punë
• 32 mijë për studime
• 130 mijë si familjarë shoqërues

Por pjesa më e madhe, rreth 360 mijë persona, nuk kanë asnjë arsye të regjistruar për ardhjen e tyre në Suedi.

Sipas raportit, kjo kategori përbëhet kryesisht nga qytetarë të Bashkimit Europian. Ata mund të lëvizin lirshëm dhe nuk kanë nevojë të regjistrohen te Agjencia e Migracionit.

Një nga autorët e raportit, Niklas Delersjö nga organizata “Move to Gothenburg”, shpjegon se edhe pse qytetarët e BE-së tregojnë arsyen pse shpërngulen, këto të dhëna nuk ruhen në statistika.

Në grupin me “arsye të paqartë” përfshihen edhe persona nga jashtë Evropës, të cilët përbëjnë rreth 15–20%.

Autoritetet nuk kanë informacion nëse këta persona janë të punësuar apo nëse ende jetojnë në Suedi.

Raporti përfshin vetëm tre qytetet kryesore, por sipas revistës Fokus, numri për gjithë vendin mund të jetë edhe më i madh.

Burimi: Expressen

Link: https://www.expressen.se/nyheter/sverige/hundratusentals-osynliga-ingen-vet-vad-de-gor-i-sverige/