Stuhia “Dave”: 31 mijë familje pa energji elektrike, era e fortë vështirëson riparimet.

Rreth 31 mijë familje në jug dhe në perëndim të Suedisë kanë mbetur pa energji elektrike për shkak të stuhisë Dave. Lajmi është bërë i ditur nga Svenska kraftnät në faqen e saj zyrtare.

Sipas njoftimit, erërat e forta dhe errësira po e bëjnë shumë të vështirë punën për riparimin e dëmeve. Për këtë arsye, energjia elektrike pritet të rikthehet vetëm gjatë ditës së hënë.

Kompania e energjisë Ellevio ka angazhuar më shumë punonjës, si në terren ashtu edhe në qendrën e kontrollit, për të rregulluar problemet. Megjithatë, për arsye sigurie, punimet e riparimit do të ndërpriten gjatë natës.

Shkaku kryesor i ndërprerjeve të energjisë janë pemët dhe degët që kanë rënë nga era dhe kanë dëmtuar linjat elektrike.

Burimi: SVK/Ellevio/Sveriges radio

Link: https://www.svk.se

https://avbrottskarta.ellevio.se

https://www.sverigesradio.se/artikel/ekots-direktrapport-om-ovadret-dave