Trafikverket apel: Zgjidhni rrugët kryesore nëse udhëtoni me makinë

Qarkullimi në jug të Suedisë është përkeqësuar ndjeshëm pasi stuhia Dave ka rrëzuar shumë pemë mbi rrugë, linja elektrike dhe hekurudha. Vetëm në pjesën perëndimore të vendit, qindra pemë kanë rënë mbi rrugë, sipas mediave lokale.

Autoriteti i transportit, Trafikverket, ka bërë të ditur se shumë kilometra rrugë dhe hekurudha janë prekur në disa rajone të ndryshme të vendit.

Gjatë mëngjesit, ekipet kanë punuar për pastrimin e rrugëve, por situata mbetet ende e vështirë dhe e ngarkuar.

“Ende ka pemë të rrëzuara në rrugët më të vogla, ndaj aty mund të ketë probleme. Por të gjitha rrugët kryesore janë të kalueshme”, tha Daniel Mossberg, zëdhënës për shtyp në Trafikverket.

Dita e dytë e Pashkëve pritet të sjellë shumë lëvizje në rrugët e Suedisë. Për këtë arsye, autoritetet u bëjnë thirrje udhëtarëve që, nëse është e mundur, të përdorin rrugët kryesore dhe të respektojnë kufizimet e shpejtësisë.

Edhe trafiku hekurudhor është ndikuar gjatë orëve të mëngjesit.

Burimi: GP

Link: https://www.gp.se/nyheter/vastsverige/stormen-dave-drar-in-over-vastsverige-orange-varning-utfardad.de482a07-6fc4-46b7-b05d-47cc9e8a2065