Ndryshim i motit në fundjavë: Dielli merr “kontrollin”.

Pas stuhisë Dave që goditi gjatë fundjavës së Pashkëve, moti tani po përmirësohet dukshëm. Sipas raportimit të Expressen, një zonë me presion të lartë po afrohet dhe do të sjellë mot me diell në të gjithë vendin duke filluar nga pasditja e së mërkurës.

Megjithatë, të enjten pritet që në veri të vendit, në zonën e Norrlandit, të ketë pak më shumë re. Pavarësisht kësaj, edhe atje moti do të jetë kryesisht i kthjellët. Këtë e konfirmon meteorologu i SMHI-së, Viktor Bergman.

Ai shpjegon se edhe në ditët në vijim, konkretisht të premten dhe gjatë fundjavës, moti i mirë do të vazhdojë. Edhe pse nuk pritet të jetë plotësisht pa re, dielli do të jetë elementi kryesor i motit.

Temperaturat gjatë ditës do të lëvizin nga 7 deri në 13 gradë Celsius në pjesën më të madhe të vendit. Në zonat malore do të jetë pak më ftohtë. Gjatë natës, moti do të jetë i kthjellët dhe i ftohtë, dhe në disa vende temperaturat mund të zbresin nën zero gradë.

Burimi: Expressen

Link: https://www.expressen.se/nyheter/sverige/efter-stormen-nu–drar-hogtrycket-in/