Çdo i katërti suedez merr kthim më të madh tatimi se sa pritej.

Shumica e qytetarëve në Suedi këtë vit do të marrin kthim të taksave. Sipas një studimi të ri nga banka Nordea, tre nga katër suedezë do të marrin para mbrapsht nga taksat, ndërsa 26% prej tyre do të marrin më shumë se sa kishin pritur.

Studimi tregon gjithashtu një ndryshim në mënyrën se si njerëzit planifikojnë t’i përdorin këto para. Gjithnjë e më shumë suedezë po zgjedhin t’i kursejnë ose t’i investojnë paratë, në vend që t’i shpenzojnë.

“Dëshira e suedezëve për të konsumuar paratë nga kthimi i taksave ka rënë,” tha Anders Stenkrona, ekonomist privat në Nordea.

Kjo prirje është edhe më e dukshme te të rinjtë. Sipas studimit, gjysma e të rinjve planifikon t’i kursejë ose t’i investojë paratë që marrin nga kthimi i taksave.

Burimi: Nordea

Link: https://mfn.se/cis/a/nordea-bank/nordea-en-av-fyra-far-mer-skatteaterbaring-an-forvantat-5ae179b4