Pas uljes së TVSH-së, ja cili supermarket ka çmimet më të lira?

Ulja e TVSH-së për ushqimet ka sjellë rënie të çmimeve nëpër dyqane, por dallimet mes supermarketeve mbeten të mëdha. Kështu shkruan gazeta Sydsvenskan, e cila ka analizuar çmimet në shtatë dyqane të ndryshme.

TVSH-ja për ushqimet u përgjysmua në 6% më 1 prill. Sipas të dhënave, Lidl rezulton supermarketi më i lirë pas kësaj uljeje. Një shportë ushqimore në Lidl është bërë 7.8% më e lirë.

Në Coop, çmimet kanë rënë me 5.9%, ndërsa në Willys rreth 4%.

Sipas përllogaritjeve, ulja e TVSH-së do të mund të sillte çmime rreth 5.36% më të ulëta në total.

Megjithatë, jo të gjitha çmimet kanë rënë njësoj. Sipas Willys, faktorët ndërkombëtarë ndikojnë në luhatjen e çmimeve, sidomos për produktet e freskëta.

“Për shkak të faktorëve të jashtëm, çmimet e disa produkteve të freskëta, si frutat dhe perimet, rriten dhe ulen,” ka thënë komunikatorja e Willys, Louise Hulgaard, për Sydsvenskan.

Burimi: Sydsvenskan

Link: https://www.sydsvenskan.se/malmo/sa-mycket-har-matpriserna-sankts-efter-nya-momsen-butik-for-butik/