Propozimi i Centerpartiet: Adoleshentët të mos paguajnë taksa për punët sezonale

Centerpartiet ka propozuar që të rinjtë nga mosha 15 deri në 19 vjeç të mos paguajnë taksa për pagat e tyre kur punojnë gjatë verës ose në punë të pjesshme.

Sipas P3 Nyheter, ky propozim do të paraqitet në buxhetin hije të partisë.

Kryetarja e partisë, Elisabeth Thand Ringqvist, tha se kjo masë synon të ndihmojë të rinjtë të hyjnë më lehtë në tregun e punës dhe t’u tregojë atyre se puna shpërblehet.

“E bëjmë këtë sepse është shumë e rëndësishme që të rinjtë të hyjnë në tregun e punës dhe të kuptojnë se ia vlen të punosh,” u shpreh ajo.

Po ashtu, partia propozon që kontributet e punëdhënësit për adoleshentët të hiqen plotësisht.

Ende nuk është e qartë se sa do të kushtojë ky propozim, por pritet që detaje më të sakta të jepen në buxhetin e ardhshëm.

Burimi: Sverigesradio

Link: https://www.sverigesradio.se/artikel/centerpartiet-alla-mellan-15-och-19-ska-slippa-betala-skatt