Kërcënim për të shtëna në Borlänge. 20 shkolla mbyllen për siguri.

Një kërcënim për të shtëna me armë ka bërë që 20 shkolla në komunën e Borlänge të qëndrojnë të mbyllura gjatë ditës së sotme. Lajmi është bërë i ditur pas informacioneve që kanë dalë në media, përfshirë Aftonbladet.

Sipas autoriteteve, kërcënimi është zbuluar gjatë natës dhe menjëherë është marrë seriozisht. Si pasojë, është hapur një hetim për “kërcënim të rëndë të paligjshëm ndaj një grupi”.

Drejtori i komunës, Jörgen Olsson, tha në një njoftim për shtyp se vendimi për mbylljen e shkollave është marrë për të parandaluar çdo rrezik.

“Ne kemi vepruar në mënyrë parandaluese. Qëllimi ynë kryesor është të sigurojmë një mjedis të sigurt për nxënësit dhe stafin”, u shpreh ai.

Vendimi përfshin gjithsej 16 institucione komunale, përfshirë kopshte, shkolla fillore dhe gjimnaze. Gjithashtu, është mbyllur edhe arsimi për të rritur (Komvux), si dhe disa shkolla private.

Shkollat e prekura janë:

Kopshte: Eken, Nattviolen, Tjärna përskola, Bryggargården, Forssaängsgården, Svartnäsgården

Shkolla fillore: Maserskolan, Tjärna/Solängsskolan, Forssaängskolan, Forssaklackskolan

Gjimnaze: Alice Lundsgymnasiet, IM, Hushagsgymnasiet, Soltorgsgymnasiet, Ljugbergsgymnasiet

Arsimi për të rritur: Komvux

Shkolla private: NTI-gymnasiet, Kunskapsskolan, Realgymnasiet, Immanuelskolan

Autoritetet vazhdojnë hetimet, ndërsa siguria e nxënësve dhe stafit mbetet prioriteti kryesor.

Burimi: SVT Nyheter/Aftonbladet/borlange/Omni/TT

https://www.borlange.se/nyheter/aktuellt/arkiv/2026-04-22-vissa-skolor-i-borlange-haller-stangt-idag-onsdag

https://tt.omni.se/borlange-kommun-skolhoten-kan-inte-forringas/a/q6yKOg

https://www.aftonbladet.se/nyheter/a/Rr77qd/aftonbladet-direkt?pinnedEntry=1459509