Miljöpartiet arrin mbështetjen më të lartë në dhjetë vitet e fundit. Ja si janë partitë politike nga sondazhi i fundit?

Partia e Gjelbër e Suedisë, Miljöpartiet (MP), ka arritur nivelin më të lartë të mbështetjes nga votuesit që nga viti 2015, sipas matjes më të fundit të realizuar nga Ipsos për gazetën Dagens Nyheter (DN).

Sipas sondazhit, MP ka marrë 7% të mbështetjes, që është pothuajse dy pikë përqindjeje më shumë krahasuar me rezultatin e zgjedhjeve të fundit. Kjo është hera e parë që partia arrin këtë nivel që nga nëntori i vitit 2015.

Rritja e mbështetjes për MP vjen në një kohë kur çështjet e energjisë dhe çmimet e naftës janë bërë tema të rëndësishme në politikën suedeze. Gazeta DN shkruan se partia ka qenë shumë aktive në kritikat ndaj qeverisë, duke thënë se nuk po bëhet mjaftueshëm për të ulur përdorimin e karburanteve fosile. Sipas MP-së, kjo e bën Suedinë më të pambrojtur ndaj krizave energjetike.

“Miljöpartiet tani ka krijuar një diferencë të sigurt mbi pragun për hyrje në parlament”, tha Nicklas Källebring nga Ipsos.

Ndërkohë, në anën tjetër të politikës suedeze nuk ka ndryshim për Liberalerna. Partia vazhdon të qëndrojë në vetëm 2%, që është dy pikë përqindjeje nën pragun parlamentar.

Kjo ndodh edhe pse liderja e partisë, Simona Mohamsson, ka marrë më shumë mbështetje në matjet e besueshmërisë të publikuara nga Svenska Dagbladet/Demoskop dhe SVT/Verian, pas ndryshimit të qëndrimit të partisë ndaj SD-së.

Rezultatet e plota të sondazhit:

• Vänsterpartiet – 9%
• Socialdemokraterna – 32%
• Miljöpartiet – 7%
• Centerpartiet – 6%
• Liberalerna – 2%
• Moderaterna – 19%
• Kristdemokraterna – 5%
• Sverigedemokraterna – 19%

Si u realizua sondazhi

Nga data 14 deri më 27 prill, Ipsos intervistoi gjithsej 1 603 persona me të drejtë vote në Suedi. Prej tyre:

• 214 persona u përgjigjën përmes telefonit,
• 772 përmes pyetësorëve digjitalë,
• 72 përmes një linku të dërguar me SMS,
• dhe 545 përmes intervistave digjitale në një panel online të përzgjedhur rastësisht.

Burimi: DN/TV4/Aftonbladet

Link: https://www.dn.se/sverige/miljopartiet-far-hogsta-stodet-sedan-flyktingkrisen/

https://www.tv4.se/artikel/KBRot2phU7dtZhI9fnHcN/mp-orubbliga-ingen-roedgroen-regering-om-s-backar-om-drivmedelsskatten

https://www.aftonbladet.se/nyheter/a/M77yEM/hellden-socialdemokraterna-gar-att-forflytta