SMHI paralajmëron për rrezik të madh zjarresh gjatë festimeve të Valborgut

Instituti Suedez i Meteorologjisë dhe Hidrologjisë, SMHI, ka paralajmëruar për rrezik të madh ose shumë të madh zjarresh në shumë pjesë të Suedisë përpara festimeve të Valborgut që mbahen të enjten, sipas raportimit të agjencisë TT. Sipas SMHI-së, rreziku pritet të rritet edhe më shumë gjatë ditës së 1 Majit.

SMHI njofton se rreziku për zjarre në pyje është veçanërisht i lartë në jug dhe lindje të Götalandit, në pjesën juglindore të Svealandit, si edhe në ishujt Öland dhe Gotland.

Po ashtu, rrezik i madh ose shumë i madh për zjarre në barishte është paralajmëruar edhe në pjesën perëndimore të Svealandit dhe në zonat pa borë të bregdetit dhe brendësisë së Norrlandit.

Sipas SMHI-së, rreziku i zjarreve është zakonisht më i madh gjatë pranverës, sidomos kur moti ka qenë i thatë për një periudhë të gjatë.

Instituti paralajmëron se zjarret tradicionale të Valborgut mund të përhapen shpejt dhe u bën thirrje qytetarëve që të tregojnë kujdes të madh gjatë ndezjes së zjarreve në ambiente të hapura gjatë festimeve të kësaj fundjave.

Burimi: Omni/TT/SVT/SMHI

Link: https://tt.omni.se/stor-brandrisk-pa-valborg/a/L4oqXq

https://www.svt.se/vader/stor-brandrisk-pa-valborg

https://www.smhi.se/vader/prognoser-och-varningar/varningar-och-meddelanden/brandrisk