Ndalohen ujitjet në pothuajse gjithë Gotlandin

Autoritetet në ishullin Gotland të Suedisë kanë vendosur ndalim ujitjeje në pothuajse të gjithë rajonin, për shkak të shqetësimeve për mungesën e ujit. Sipas mediave lokale, ndalimi ka hyrë në fuqi menjëherë dhe do të zgjasë deri më 1 shtator.

Ky vendim prek të gjithë abonentët që përdorin ujë të pijshëm komunal. Autoritetet theksojnë se gjatë kësaj periudhe uji duhet të përdoret vetëm për nevoja të domosdoshme si higjiena personale, gatimi dhe pirja.

Ndërkohë, është ndaluar përdorimi i ujit për ujitjen e barit, kopshteve apo bimëve me spërkatës uji. Qëllimi i masës është të ulet konsumi dhe të ruhen rezervat e ujit gjatë periudhës së thatësisë.

Patrik Johansson, shef i njësisë së ujit në Region Gotland, shpjegoi se masa pritet të ketë ndikim të dukshëm në kursimin e ujit.

“Nëse krahasohet me konsumin normal, një ndalim i tillë sjell rreth 10% ulje të përdorimit të ujit”, tha ai.

Ndalimi i ujitjes vlen kryesisht për pjesën veriore dhe qendrore të Gotlandit, përfshirë qytetin Visby dhe zonën Fårö.

Burimi: helagotland/Krisinformation

Link: https://www.helagotland.se

https://www.krisinformation.se/forbered-dig/vattenbrist/