BE i jep dritën jeshile Suedisë për ulje të mëtejshme të taksës së karburantit

Komisioni Europian ka miratuar kërkesën e Suedisë që të ulë edhe më shumë taksën mbi karburantet, nëse kjo do të jetë e nevojshme. Lajmi u bë i ditur të martën nga ministrja e Financave e Suedisë, Elisabeth Svantesson, në një deklaratë për SVT Nyheter.

“Kjo ka ndodhur me një shpejtësi rekord,” tha ajo.

Gjatë pranverës, qeveria suedeze së bashku me Demokratët e Suedisë (SD) kanë propozuar një ulje të përkohshme të taksave për benzinën dhe naftën. Falë kësaj mase, taksat aktualisht janë në nivelin minimal të lejuar nga Bashkimi Europian.

Miratimi i fundit nga Komisioni Europian i jep Suedisë mundësinë që, nëse është e nevojshme, të kërkojë ulje të taksave edhe nën këtë nivel minimal.

Megjithatë, vendimi nuk është ende përfundimtar. Përpara se qeveria të mund të zbatojë një ulje të re, propozimi duhet të miratohet edhe nga institucione të tjera të Bashkimit Europian, përfshirë Këshillin Europian.

Burimi: SVT/Regeringen

Link: https://www.svt.se/nyheter/inrikes/senaste-nytt-om-val-2026?inlagg=934ab961e364437f3920ea74a59d7113

https://www.regeringen.se/pressmeddelanden/2026/04/nu-sanks-skatten-pa-bensin-och-diesel/#:~:text=Skattesänkningen%20motsvarar%20cirka%200%2C4,1%20maj–30%20september%202026.