Qeveria suedeze: Pagesat e mbështetjes për energjinë nisin në qershor

Qeveria suedeze ka njoftuar se pagesat e mbështetjes për energjinë elektrike do të fillojnë në fillim të muajit qershor. Sipas njoftimit për shtyp, shumica e familjeve që kanë të drejtë të përfitojnë nga kjo ndihmë do t’i marrin paratë para festës së Mesverës, Midsommar.

Kjo mbështetje vlen për konsumin e energjisë elektrike gjatë muajve janar dhe shkurt të vitit 2026. Shuma që do të marrë çdo familje do të varet nga sasia e energjisë që ka përdorur gjatë kësaj periudhe.

Ministrja suedeze e energjisë dhe ekonomisë, Ebba Busch nga partia Kristdemokraterna (KD), tha se qeveria po vepron shpejt për të ndihmuar familjet në Suedi përballë kostove të energjisë.

Sipas qeverisë, në total do të shpërndahen rreth 3.4 miliardë korona suedeze për këtë mbështetje.

Burimi: Regeringen

Link: https://www.regeringen.se/pressmeddelanden/2026/05/utbetalningarna-av-elstodet-startar-i-juni/?mtm_campaign=Pressmeddelande&mtm_source=Pressmeddelande&mtm_medium=email

https://www.regeringen.se/regeringens-politik/energi/fragor-och-svar-om-det-tillfalliga-el–och-gasstodet/