Hendeku gjinor në politikë mbetet i madh. Dallime të qarta mes burrave dhe grave.

Një sondazh i ri zgjedhor nga Aftonbladet/Demoskop tregon se hendeku gjinor në politikën suedeze vazhdon të jetë i madh dhe madje po bëhet më i dukshëm.

Sipas të dhënave, 53% e burrave mbështesin partitë e bllokut “Tidö”, ndërsa vetëm 36% e grave i mbështesin ato. Në anën tjetër, opozita ka mbështetje më të madhe te gratë: 63% e tyre dhe 45% e burrave.

Johan Martinsson, shef i opinionit në Demoskop, thotë se këto dallime janë parë prej kohësh, por tani janë bërë edhe më të forta.

Sipas tij, rritja e partisë Sverigedemokraterna (SD) është arsyeja kryesore e këtij hendeku gjinor. Kjo parti ka 24% mbështetje nga burrat dhe 15% nga gratë.

Ndërkohë, e kundërta shihet te Partia e Gjelbër (Miljöpartiet), e cila ka më shumë mbështetje te gratë. Ajo merr 10 për qind nga gratë dhe vetëm 5% nga burrat.

Rezultatet e sondazhit (në përqindje)

Moderaterna

• Burra: 18%
• Gra: 15%

Liberalerna

• Burra: 5%
• Gra: 3%

Centerpartiet

• Burra: 7%
• Gra: 5%

Kristdemokraterna

• Burra: 6%
• Gra: 3%

Socialdemokraterna

• Burra: 28%
• Gra: 40%

Vänsterpartiet

• Burra: 6%
• Gra: 8%

Miljöpartiet

• Burra: 5%
• Gra: 10%

Sverigedemokraterna

• Burra: 24%
• Gra: 15%

Si është bërë sondazhi

Demoskop thotë se sondazhi bazohet në përgjigjet nga paneli Inizio, ku njerëzit janë regjistruar vetë.

Ata mbledhin të dhëna çdo ditë dhe u dërgojnë pyetjen: cilën parti do të votonit nëse zgjedhjet do të bëheshin sot.

Në total bëhen të paktën 2,000 intervista.

Rezultatet rregullohen sipas gjinisë, moshës dhe rajonit, që të jenë sa më përfaqësuese për gjithë popullsinë e rritur në Suedi.

Këto sondazhe të Demoskop përdoren nga Aftonbladet dhe SvD.

Burimi: Aftonbladet

Link: https://www.aftonbladet.se/nyheter/a/L46MrR/nya-siffror-stora-konsskillnader-partierna-dar-gapet-ar-storst