OKB: Suedia ka ulur më shumë se gjysmën e ndotjes nga ndërtimi.

Emisionet që vijnë nga sektori i ndërtimit dhe i pasurive të paluajtshme vazhdojnë të rriten në mbarë botën. Kjo thuhet në një raport të ri të UNEP-it, organizata e Kombeve të Bashkuara për mjedisin, raportojnë mediat ndërkombëtare përmes TT-së.

Sipas raportit, materialet e ndërtimit si çimentoja, çeliku dhe alumini, të përdorura në ndërtesa dhe projekte ndërtimi, kanë shkaktuar 9% të ndotjeve globale gjatë vitit 2024.

Raporti tregon se ndotja nga vetë ndërtimi ka mbetur pothuajse në të njëjtin nivel që nga Marrëveshja e Parisit në vitin 2015. Megjithatë, emisionet që lidhen me përdorimin dhe funksionimin e ndërtesave janë rritur me 6.5% në nivel global.

Në të njëjtën kohë, disa vende evropiane kanë arritur rezultate të rëndësishme në uljen e ndotjes. Suedia, Finlanda, Danimarka, Greqia dhe Sllovenia kanë ulur me më shumë se gjysmën emisionet nga ndërtesat në periudhën 2005–2023.

Sipas vlerësimit të OKB-së, nëse vazhdojnë masat politike dhe investimet për klimën, Suedia dhe Danimarka mund të arrijnë deri në 80% ulje të emisioneve deri në vitin 2030.

Burimi:Omni/TT/ UNEP

Link: https://tt.omni.se/byggbranschen-fortsatt-klimatbov-sverige-avviker/a/7pVW4B

https://www.unep.org/resources/report/global-status-report-buildings-and-construction-2025-2026