Suedia mund të vendosë kufi kohor për “ventilin” e tonårsutvisningarna (dëbimet e adoleshentëve)

Johan Forssell ka deklaruar për agjencinë suedeze TT se “ventili” që qeveria suedeze po planifikon për rastet e njohura si “tonårsutvisningarna” (dëbimet e adoleshentëve) me shumë gjasa nuk do të përfshijë personat që kanë marrë vendime për dëbim shumë vite më parë.

Sipas ministrit, qeveria po shqyrton mundësinë që ky lehtësim të vlejë edhe për disa persona që tashmë kanë marrë vendim përfundimtar për dëbim, por do të ketë kufizime.

“Ka persona që kanë marrë vendime të formës së prerë para tre, pesë, ndoshta edhe dhjetë vitesh, dhe diku duhet të vendoset një kufi”, tha Forssell.

Më herët gjatë kësaj jave, partitë e marrëveshjes Tidö kishin hapur mundësinë që “ventili” të përfshinte edhe personat që tashmë janë përballur me vendime dëbimi. Megjithatë, deklarata e fundit e ministrit tregon se kjo nuk do të vlejë për të gjithë dhe se koha e marrjes së vendimit mund të ketë rëndësi.

Opozita ka reaguar me kritika ndaj këtij qëndrimi. Sipas tyre, ky vendim mund të sjellë padrejtësi për ata persona që kanë respektuar vendimet e autoriteteve suedeze dhe janë larguar nga vendi.

Niels Paarup-Petersen kërkoi që edhe personat që tashmë janë dëbuar të kenë mundësi të rikthehen në Suedi.

“Sigurohuni që ata që tashmë janë dëbuar të kenë një shans për t’u kthyer”, tha ai për TT.

Burimi:Omni/TT/Aftonbladet/DN

Link: https://tt.omni.se/forssell-nagonstans-maste-man-dra-en-grans/a/xrOPlp

https://tv.aftonbladet.se/video/400653/partiledarna-om-tonarsutvisningarna

https://www.dn.se/sverige/tido-oppnar-for-att-utvisade-tonaringar-ska-fa-stanna-i-sverige/